«ижтимоий ҳимоя» тегли мақолалар
Ҳаракати чекланган болаларга мактабга келиб-кетиш харажатларининг 75 фоизи қоплаб берилади
Ўзбекистонда ҳаракати чекланган болаларни мактабга келиб-кетиш харажатларининг 75 фоизини давлат қоплаб беради. Президент ҳар бир тумандаги боғчаларда биттадан инклюзив таълим гуруҳи очиш, 954 мактабда инклюзив синфлар ташкил этиш бўйича ҳам топшириқ берди.
Ўзбекистонда эҳтиёжманд аҳолини битта ижтимоий уй-жойга жойлаштиришдан воз кечилади
Президент эҳтиёжманд аҳолини битта ижтимоий уй-жойга жойлаштиришдан воз кечилишини маълум қилди. Шавкат Мирзиёев ҳозирда 400 та кўп қаватли ижтимоий уйда 25 минг аҳоли яшаётгани, лекин улар яқин қариндошлари ва одатий яшаш шароитидан анча узоқлашиб қолаётганини таъкидлади.
Камбағал оилалардаги ўзи ҳаракатлана олмайдиган одамларга қараб туриш тизими йўлга қўйилади — президент
Шавкат Мирзиёев камбағал оилалардаги ўзи ҳаракатлана олмайдиган одамларнинг 19 мингига уйида ва 4 мингига кундузги қатнов асосида қараб туриш йўлга қўйилишини маълум қилди. Бунда хусусий сектор иштирок этади ва у хизмат кўрсатган камбағал оилалар харажатининг 80 фоизини давлат қоплаб беради.
2025 йилдан камбағал оила фарзандларининг боғча тўловлари қисман қоплаб берилади
2025 йилдан оилавий боғча ўринларининг 15 фоизига камбағал оила фарзандлари қабул қилинади ва тўловлари қисман қоплаб берилади. Президент ректорларга камбағал оиладан жами 4 минг нафар ёшни ўқитишни топширди. Уларнинг чет тили, IT каби тўгараклари харажатининг 80 фоизгача қисми бюджетдан тўланади.
Президент ижтимоий объектлар лойиҳалари ногиронлиги бор одамларга мослаб ишлаб чиқилмаганини танқид қилди
Президент 2025 йил Инвестиция дастурига кирадиган 598 та ижтимоий объект лойиҳаси ногиронлиги бор одамларга мослаб ишлаб чиқилмагани танқид қилди. Шавкат Мирзиёев вилоят, туман ҳокимларига хатоларни тўғрилаш бўйича топшириқ берди.
1 мартдан ёлғиз она ёки отага болалари боғчага бориши учун моддий ёрдам берилади
Болаларни ижтимоий ҳимоя қилишни яхшилашга қаратилган фармон имзоланди. Унга кўра, ёлғиз она ёки отага болалари боғчага бориши учун моддий ёрдам берилади. 30 ёшга тўлган фуқароларга оилавий болалар уйини ташкил этишга рухсат этилади. Ҳомиладорлар учун «Оналар маскани» хизмати йўлга қўйилади.
Оила камбағаллиги туфайли болаларни меҳрибонлик уйларига жойлаштириш амалиёти бекор қилинади
Президентга ижтимоий ҳимояга муҳтож болаларни қўллаб-қувватлаш чоралари тақдим этилди. Болани тарбияга беришда оила муҳитини сақлаб қолишга устуворлик берилади, муассаса сўнгги чора бўлади. Давлат раҳбари болаларни зўравонликнинг барча шаклларидан ҳимоя қилиш тўғрисидаги қонунни имзолади.
Камбағалликни фақат пул тарқатиш билан ҳал қилиб бўлмайди — президент
Камбағал оилаларнинг ишга лаёқатли аъзоларида билим ва кўникма кам, бола парвариши туфайли эса аёлларнинг 43 фоизи ишга бора олмайди. Президент камбағалликни фақат пул тарқатиш билан ҳал қилиб бўлмаслигини айтди ва муаммо сабаби ҳар хил экан, ечимлари ҳам алоҳида бўлиши кераклигини таъкидлади.
Сенат «Болаларни зўравонликнинг барча шаклларидан ҳимоя қилиш тўғрисида»ги қонунни маъқуллади
Сенаторлар «Болаларни зўравонликнинг барча шаклларидан ҳимоя қилиш тўғрисида»ги қонунни маъқуллади. Зўравонлик шаклларига ғамхўрлик қилмаслик, эксплуатация ва буллингни ҳам киритиш, шунингдек, болаларни ҳимоялаш тартибини жорий этиш ва тарбия жараёнида жисмоний жазолашни тақиқлаш таклиф этилмоқда.
Камбағаллик даражасини 3 йил ичида 7 фоизга тушириш кўзда тутилмоқда. Чора-тадбирлар режаси
Камбағалликни қисқартириш ва ижтимоий ҳимоя тизими қайта кўриб чиқилади. Ҳар йили 50 та маҳалла танлаб олиниб, камбағаллик ва ишсизликдан холи ҳудудга айлантирилади. Шунингдек, бу ҳоким ёрдамчиларининг асосий вазифасига айланади. Эҳтиёжмандларни ишга олган тадбиркорларга солиқ имтиёзлари берилади.
Талабалар, ногиронлиги борлар ва уруш қатнашчиларининг шахсий гувоҳномалари ижтимоий картага алмаштирилади
Давлат томонидан бир қатор ижтимоий қўллаб-қувватлаш чора-тадбирлари ижтимоий карта орқали амалга оширилади. 2025 йил 1 апрелдан бошлаб ногиронлиги бўлган шахс, талаба ёки уруш қатнашчисининг ҳолатини тасдиқлаш айнан шу карта орқали бўлади, тегишли гувоҳномаларнинг қоғоз шакли бекор қилинади.
Ногиронлиги бўлган шахсларнинг хавфсиз ҳаракатланиши учун қандай чоралар кўзда тутилмоқда?
Президент ижтимоий ҳимоя соҳасига оид чора-тадбирлар тақдимоти билан танишди. Таклифлар орасида ногиронлиги бўлган шахсларнинг хавфсиз ҳаракатланиши учун шароитларни кенгайтириш, жумладан, биноларни экспертизадан ўтказиш, чорраҳаларни мослаштириб бориш, электрон интерактив харита яратиш мавжуд.
Ўзбекистонда ногиронлиги бор фарзандини парваришлаш нафақасини олиши мумкин бўлган 33 минг ота-она имтиёздан фойдаланмаяпти
Президент ижтимоий ҳимоя тизими билан 250 та хизмат қамраб олинган бўлса-да, маҳалладаги аҳоли уларнинг ярмидан ҳам хабардор эмаслигини таъкидлади. Ногиронлиги бор фарзандини парваришлаш нафақасини олиши мумкин бўлган 33 минг ота-она ушбу имтиёздан фойдалангани йўқ.
Ўзбекистон 2023 йилни қандай ўтказди? Сиёсий, иқтисодий ва ижтимоий ҳаётнинг асосий воқеалари
Ўзбекистон 2023 йилда ижтимоий ва дунёвий давлат мақомини олди, болалар ва аёлларни зўравонликдан ҳимоя қилиш бўйича илғор қонунни қабул қилди, светофорлар ўрнатиш ва жамоат транспортини ривожлантиришга киришиб, шаҳарларни инсонийлаштиришни бошлади. Йилнинг бошқа воқеалари — «Газета.uz» шарҳида.
«Маҳалла еттилиги» учун KPI белгиланди
Президент фармони билан «маҳалла еттилиги» (собиқ «бешлик») ҳар бир аъзосининг вазифалари белгилаб берилди. Уларнинг фаолияти асосий самарадорлик кўрсаткичлари (KPI) бўйича баҳоланади. Ҳукуматда «еттилик»ни қўллаб-қувватлаш бўлими ташкил этилади.
«Ўзлаштирмайдиган бола бўлмайди». ЮНИСEФнинг Ўзбекистондаги собиқ раҳбари — ижтимоий ҳимоя ва инклюзия ҳақида
Ўзбекистонда ўз миссиясини якунлаган ЮНИСEФ раҳбари Мунир Мамедзаде ижтимоий фаолиятнинг аҳамияти ва нима учун ижтимоий ҳимоя соҳасидан тезкор натижаларни талаб қилиб бўлмаслиги ҳақида гапирди. Шунингдек, у болаларнинг билим олиш қобилияти улар учун мос муҳит яратишга боғлиқлигини таъкидлади.
Ёлғиз кексалар ва ногиронлиги бўлган шахслар бир йилда камида бир марта тиббий кўрикдан ўтказилади
Вазирлар Маҳкамаси қарори билан 15 октябрдан парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар бир йилда камида бир маротаба чуқурлаштирилган тиббий кўрикдан ўтказилади. Шунингдек, муҳтож аҳоли мурожаатларини кўриб чиқадиган «ишонч телефони» ишга туширилади.
Ўзбекистонда ниҳоят Ижтимоий ҳимоя агентлиги ташкил этилди. Унинг вазифалари нималардан иборат?
Президент ҳузурида Ижтимоий ҳимоя миллий агентлиги ташкил этилди. У фуқароларнинг ижтимоий ҳимояга оид ҳуқуқларини таъминлаш ва ижтимоий хизматлар сифатини тубдан ошириш мақсадида яратилди. Бандлик вазирлиги, ССВ, ИИВ, ММТВ ва бошқа тузилмаларнинг тегишли бўлимлари агентликка ўтди. Тафсилотлар.
Ёлғиз кексалар ва фахрийларга бепул озиқ-овқат ўрнига нақд пул берилади
1941−1945 йиллардаги уруш фахрийлари, шунингдек, ўзгалар парваришига муҳтож бўлган ёлғиз кексалар ва ногиронлиги бўлган шахслар бепул озиқ-овқат ўрнига ойига БҲМнинг 1 баравари миқдорида қўшимча тўлов олади.
Пенсионерлар, нафақахўрлар, кам таъминланганларга бир марталик моддий ёрдам кўрсатилади
Шавкат Мирзиёев ижтимоий ҳимояга муҳтож қатламларга бир марталик моддий ёрдам тўлаш тўғрисидаги қарорни имзолади. Ёрдам икки ҳафта ичида берилиши керак.
Энг кўп ўқилган хабарлар | Сўнгги янгиликлар
- Комил Алламжоновга суиқасд бўйича айбланувчилар 23 йилгача қамоқ жазосига ҳукм қилинди
- «Беш ой ичида ўзимдан ўтгани фақат ўзимга, оиламга ва энг яқинларимга аён» — Комил Алламжонов
- Журналист Анора Содиқова блогер Мирсаид Ҳайдаровни судга берди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
Қўшимча имкониятлардан фойдаланиш учун сайтда рўйхатдан ўтинг